LAOAG CITY – Nagsagaba ti 2nd degree burn ti maysa nga agtawen ti 11 nga ubing a lalaki kalpasan a nauram iti Barangay Ab-abaca iti ili ti Piddig.
Segun kenni Mr. Charlie Ramos, ti ama ni Clinton Ramos, agay-ayam ti anak na ken ti agtawen ti 10 nga ubing idi pinusitsitan ti maseknan ti asideg iti saka ti biktima ken sinindyan na babaen iti posporo.
Gapo iti daytoy, kunana nga idi naggil-ayab ken nagnerbyos ti agtawen ti 10 rason a naipusitsit na manen ti denatured alcohol rason a nauram ti bado ti anak na a nakaapektaran ti nagduduma a paset ti bagi daytoy.
Karaman kadagiti nauram a paset ti bagi ti biktima ket iti luppo, buksit, ima, bakrang, lapayag, ken tengnged.
Kalpasan daytoy, kunana a sinubwagan ti kadua da pay nga ubing ti biktima ken nagtartaray a napan iti comfort room ken binasa na ti bagi na
Mainaig iti daytoy, Kunana a panunuten da pay no anya ti sumaruno nga addang da iti nakapasamakan ti biktima ngem addan ti ummuna a panagsarita da iti ina ti ubing a nangaramid iti daytoy.
