LAOAG CITY – Napadayawan ni Ilocos Norte 2nd District Rep. Angelo Marcos Barba kas top performing ken most trusted District Representative ditoy pagilian.
Ti nasao a pammadayaw ket inpaay ti maysa a pribado nga award winning body a mangpaneknek ti napinget a panangannong na iti responsibilidadna kas maysa a miembro ti Legislative ken ti panangirepresentarna a nasayaat ti komunidad ken ti panagserbina iti publiko.
Kas miembro ti Kamara de Representates, responsibilidad ni Congressman Barba dagiti banag iti benneg ti National Legislation, policy deliberation ken panangidanun dagiti kalikagum, problema ken nu ania dagiti kasapulan dagiti residente ditoy probinsia iti Kamara de representantes.
Maipalagip a ti Ilocos Norte ket lugar dagiti naruay a panggedan a nakakonektar iti agrikultura, Komersio, turismo, local enterprises, ken economic activities.
Dagitoy a sektor ket adda ti kontribusionda iti pannakabigbig ti kultura ken iti intero a probinsia.
