LAOAG CITY – Inpasigurado ni Dr. Walberg Samonte, Administrator ti Governor Roque B. Ablan Sr. Memorial Hospital a dagus a mangiyuswat da iti imbestigasyon apaman a maipila ti formal complaint manipod iti pamilya Nicolas.
Segun kenni Samonte, kalpasan a maawat da formal complaint ket dagus a mapaayaban dagiti adda iti Emergency Room ti nadakamat nga ospital idi maitaray ni Chrismar Nicolas tapno maisayangkat iti naan-anay nga imbestigasyon ken mapakneknekan a pudno nga adda ti nagkurangan dagitoy
Kunana a babaen ti panakaipila ti formal complaint ket al-alisto da mabigbig dagiti staff a naka-duty iti Emergency Room idi naitaray ti biktima.
Agpapan maisursurat ti damag ket awan met pay ti naawat ti ospital a complaint pakaseknan ti nasao nga alegasyon.
Kabayatanna, kunana a nomapakneknekan nga adda nagkurangan dagiti staff ti ospital wenno gross negligence ket mapilaan ti kaso dagiti responsable nga staff.
