LAOAG CITY – Kinumpirmaran ni Brgy. Chairman Elviro Agoo iti Brgy. Davila iti ili a Pasuquin a 3 a menor de edad dagiti nagtakaw ti nakasako a mais.
Segun kenni Agoo, daytoy ket kalpasan nga insubli dagiti suspek ti tulbek ti motorsiklo nga inlibas da a pagluganan.
Mapatta-patta nga agtawen ti 15 dagiti nadakamat a menor de edad.
Nakigtot laengen ti akinkukua ti motorsiklo kalpasan a naipakustodyar ti lugan na iti barangay da.
Pinaayaban ti Brgy. Chairman dagiti nagganak dagiti menor de edad tapno masolbar ti daytoy a kaso.
Manamnama nga agsasarita dagiti maseknan iti barangay.
