LAOAG CITY – Makapaspasar ti scoliosis ti agingga 3 a milyon a Pilipino.
Daytoy ket maibasar iti panagadal ti Department of Health.
Segun ken ni Philippine Orthopedic Center Specialist Dr. Franklin Dizon III, ti scoliosis ket maysa a kondision no sadino ti spine ti maysa a tao ket agkurba wenno sideways a mabalin nga agpakannigid wenno agpakannawan.
Inbatadna a nupay adu dagiti research ti maisaysayangkat iti gobierno, saan pay laeng a nalawag ti nasao a panagadal no ania ti pudno a mangitunda ti nasao a sakit.
Nupay kasta, mabalin a maliklikan laketdi dagus nga agpakonsultar iti doktor tapno insigida a makita ti kasasaad.
Kuna ni Dr. Dizon III, masapol nga ammo ti publiko dagiti nasapa a senyales daytoy kas ti saan nga agbatog nga abaga, apagapaman a panagkubbo, abnormal posture ken dadduma pay.
