LAOAG CITY – Narekobre ti maysa a soldado ti 3 a pidaso a rifle grenade iti nagdigusanan na a karayan iti Bry. 13 Libnaoan iti ili ti Piddig.
Segun kenni P/Capt. Christopher King Ramos, basar iti inisyal nga imbestigasyon da, bayat nga agdigdigos iti karayan ni CPL Calixto Relard Esteban, 32, miyembro ti Philippine Army ken residente iti nasao a barangay ket dita a nakita na iti agtatapaw a 3 a rifle grenade a nabalkot ti palatang ti saba.
Naalarma ni Esteban gapu ta posible nga agmalfunction dagiti nadakamat nga eksplosibo ket agbettak.
Naamoan a 3 a metro laeng iti kaadayo ti pagtaengan ni Esteban manipod iti nagdigosan na.
Dagus a nakikoordinar ni Esteban iti PNP ken inkoordinar da met daytoy iti PTOC, INPPO, 1st PFMC ken EOD Team para iti naan-anay a disposiyon.
Agtultuloy ti imbestigasyon dagiti otoridad tapno maamoan no siasino ti agtagikua kadagiti narekobre nga eksplosibo.
