LAOAG CITY – Tallo nga indibidual ti nairekord a pimmusay iti Davao Region ken Soccsksargen gapu iti epekto ti Bagyo Kiyapo ken Habagat.
Nupay kasta, basar iti National Disaster Risk Reduction and Management Council (NDRRMC), agtultuloy paylaeng ti panangberberipikar da iti nasao a report.
Kabayatanna, maysa met nga indibidual ti naireport a mapukpukaw iti Soccsksargen.
Umabot met iti nasurok a 193,000 indibidwal, wenno nasurok a 41,000 pamilya, manipod iti 258 barangay iti pito a rehiyon ti naapektaran ti napipigsa a tudo ken panaglayos a gubuay ti dakes a panawen.
Iti nasao a bilang, nasurok a 9,000 a tattao ti agdama a nagtalinaed kadagiti evacuation center para iti seguridad da.
