LAOAG CITY – Agbalor iti tallo a milyon a pisos iti 2 a baro a lugan iti lokal a gobierno ditoy ciudad ti Laoag.
Daytoy ket ginatang a mismo ti lokal a gobierno ditoy ciudad a maysa a cargo truck para iti City Agriculture Office ken iti pick-up a pakailuganan dagiti matiliw nga aso ken pusa para iti City Veterinary Office.
Malaksid iti daytoy, adda payen dagiti immuna a nagatang a baro dump truck, boomtruck , ambulansia, van ken pick up.
Kabayatanna, kuna ti lokal a gobierno a dagitoy ket para iti al-alisto a pannakaipaay dagiti serbisio kadagiti umili ditoy ciudad.
Mainaig iti daytoy, napalaos ti panagyaman da Engr. Shiela Opelac, ti mangidadaulo iti City Agriculture Office ken ni Dr. Samantha Licudine, ti mangidadaulo iti City Veterinary Office iti lokal a gobierno ditoy ciudad iti pannakaipaay kadakuada ti baro a lugan tapno adda ti nayun nga usaren da.
