LAOAG CITY – Natay ti tallo nga indibidual pakairamanan ti dua a pulis gapu iti panagpabettak idiay Moscow.
Nabigbig dagiti pulis nga isuda Ilya Klimanov, agtawen ti 24 ken Maxim Gorbunov, agtawen ti 25.
Basar iti Russia’s Investigative Committee, adda ti nakita dagiti dua a traffic police officers a mapagat-atapan nga indibidual nga adda iti asideg iti police car ti Yeletskaya Street.
Iti imbestigasion, idi asitgan dagiti pulis ti suspek tapno tiliwen ket ditoy nga adda ti kellaat a bimtak.
Gapu iti daytoy, natay dagiti dua a traffic police officers kalpasan a nagsagaba dagitoy ti nakana a sugat pakairamanan ti maysa pay nga indibidual a nakatakder laeng iti asideg ti nakapasamakan ti lugar.
Mainaig iti daytoy, ti panagpabettak ket napasamak iti asideg iti nakatayan ti maysa a senior Russian general a ni Lt Gen Fanil Sarvarov gapu iti car bombing idi Lunes.
Natay ti nasao nga opisial kalpasan a bimtak ti explosive device a naimula iti sirok ti lugan.
Inbatad ni Investigate Committee spokesperson Svetlana Petrenko a manarimaan ti imbestigasion ti kaso criminal idiay Moscow maipanggep iti panangpangta iti biag dagiti traffic police officers.
Babbabalawen ti Russia ti Ukraine nga adda iti likudan ti insidente banag a naiget met a naglikudan ti Ukraine.
Kabayatanna, ni Sarvarov nga agtawen ti 56, mangidadaulo ti armed forces’ operational training department ket maikatlo a military official a natay iti bomb attacks iti kabisera ti Russia sipod idi napalabas a tawen.
