LAOAG CITY – Inbasura ti Department of Justice (DOJ) ti tallo a reklamo iti excise tax a naipila kontra kadagiti kontratista nga isuda Curlee ken Sarah Discaya ken dadduma pay gapu kadagiti sumagmamano a luxury vehicle.
Inbatad ni Department of Justice spokesperson Polo Martinez a ti excise tax ket saan a mapagsungbat ti agasawa a Discaya gapu ta ti importer ti responsable iti daytoy nga aspeto.
Karaman kadagiti naibasura a reklamo ti Land Rover/ RangeRover ken Cadillac Escalade para iti maysa a kaso; Land Rover ken maysa a Mercedes Benz para iti maikadua a kaso ken maysa a Mercedes Benz.
Daytoy ket kas paset iti maiwaywayat a preliminary investigation ti Department of Justice iti tax evasion complaints kontra iti agasawa a Discaya.
Naammoan a ti dua a reklamo ket dagiti kaso nga ipila ti Department of Justice iti Court of Tax Appeals.
