LAOAG CITY – Rinugyanen ti Hamas ti nangwaya-waya kadagiti hostages da kalpasan a nagbalin nga epektibon ti ceasefire iti nagbaetan da ti Israel.
Naamoan a dagiti tallo nga Israeli hostages nga immuna a paset ti 33 iti uneg ti innem a lawas ket isuda Romi Gonen, Doron Steinbrecher ken Emily Damari.
Inpaima ti Hamas dagiti hostage da kadagiti kameng ti Red Cross ken dagitoy ket naikabilen iti Israeli military iti Gaza.
Namnamaen a kadagiti sumarsaruno nga oras ket paluspusan metten ti Israel dagiti balud da a Palestine.
Basar iti Red Cross, naganaygay ken nasalun-at dagiti hostage ti Hamas.
Nagragragsak ti ado nga Israelis iti Tel Aviv kalpasan ti panangwaya-waya ti Hamas ti umuna a bansada.
