LAOAG CITY – Adda dagiti naiwaras a kameng ti Philippine Army iti tallo nga ili ditoy probinsya nga Ilocos Norte.
Segun ken ni Capt. Dexter Magbitang, Commanding Officer iti Philippine Army, dagiti nakaiwarasan dagiti tropa da ket iti ili ti Pinili, Marcos ken Vintar.
Inlawlawag ti opisyal a gagem ti kaadda da kadagiti nadakamat nga ili ket tapno ipatungpal da ti Community Support Program (CSP) a naipalaon iti Executive Order No. 70 ti gobierno.
Inbatad na nga iti babaen ti nasao a programa ket maamoan da ti arungaing wenno pakaseknan dagiti umili ken nagduduma a sektor.
Innayon na a malaksid kadakuada ket katulungan da pay ti LGU ken PNP a mangipatungpal ti nasao a programa.
Inpakaammo pay ni Magbitan a personal da a mapan makidayalogo kadagiti bumarangay ken dadduma pay a maseknan tapno maamoan da dagiti pakaseknan da.
Kabayatanna, kuna ni Magbitang a possible a kalpasan kadagiti nadakamat nga ili ket possible a mapan danto iti sabali a lugar ditoy probinsya.
