LAOAG CITY – Kiniddaw ni Barangay Captain Elmer Siazon iti Barangay 28 ditoy siudad ti Laoag nga agbalin a responsable dagiti adda tarakenna a dingwen iti barangay-da.
Daytoy ket kalpasan nga adda ti tallo nga indibidual a nakagat ti aso iti nasao a barangay.
Segun ken ni Kapitan Siazon, insigida met a nagpabakuna kontra rabies dagiti tallo idinto ti aso ket pinatayda tapno awanen ti sumaruno pay a mabiktima.
Inbatadna a walang nga aso ti nangkamat ken nangkagat kadagiti dua a babbai a magmagna iti kalsada ken adda ti nangarayat kadakuada a lalaki ngem nairaman a nakagat pay ti aso daytoy.
Inlawlawagna a ti aso ket naipadalan iti testing no sadino a ditoy a natakuatan a positibo daytoy iti rabies.
Kunana a ti panangsalsaludsodda kadagiti residente ket awan ti makaammo no asino ti akinkukua ti aso.
Innayonna ti panangballaag kadagiti residente a nasken nga igalotda dagiti tarakenda nga aso tapno awan ti makagat dagitoy.
