LAOAG CITY – Agarup 3 nga indibidual ti natay karaman ti maysa nga ubing, gapu iti panangraut ti Russia iti paset ti capital ti Ukraine a Kyiv.
Tinamaan ti missile iti daya ti capital a segun kadagiti nakasaksi a nangngegda dagiti napigsa a panagbettak a sumagmamano laeng nga aldaw kalpasan dagiti sabali pay a panagraut iti intero a Ukraine a nakatayan ti 21 nga indibidual.
Mainaig iti daytoy, segun ken ni regional military administration Timur Tkachenko a dagiti ballistic missile strike ket nakatayan dagiti tallo nga indibidual ken nasugatan ti sabali pay a tallo.
Malaksid iti daytoy, kinuna pay ni Mayor Vitaly Klitchko a rinespodean met dagiti emergency crew ti uram iti maysa a pasdek ken tangke ti gasolina idiay Kyiv.
