LAOAG CITY – Naitaray iti Governor Roque Ablan Sr Memorial Hospital dagiti tallo a tattao kalpasan a nagsinnuapgud ti dua a traysikel iti paset ti Brgy. 14 ditoy ciudad ti Laoag.
Nabigbig dagitoy a da Jose Abadilla Jr., agtawen ti 42, awanan asawa, driver ti traysikel ken residente iti nasao a lugar; Jayvee Pascual, agtawen ti 23, driver ti maysa pay a traysikel ken residente iti Brgy 32-A ken ti pasahero na a ni Gerlie Manuel, residente iti Brgy 24 iti nasao a ciuadad.
Segun ti imbestigasyon, agpadaya a direksyon ti traysikel nga inturong ni Abadilla idinto nga agpaabagatan met ni Pascual idi ta nagdinnungpar dagitoy.
Gapo iti daytoy, nagsagaba ni Manuel ti sugat ti ulo ken saka idinto a minor injury met ti sinagaba dagiti dua a driver ti traysikel.
Ti agdama ket agultuloy ti imbestigasyon dagiti otoridad seknan ti nasao a pasamak.
