LAOAG CITY – Nasugatan ti dua a lallaki kalpasan ti napasamak a desgrasya iti Brgy 15 ditoy siudad ti Laoag.
Nabigbig dagiti nasugata a da Mario Pascual, agtawen ti 31, taga Brgy 7-A, ditoy siudad ti Laoag ken ti nakalubbon ket ni Louie Antonio, agtawen ti 37, naasawaan ken taga Brgy 18 ditoy siudad ti Laoag.
Segun ti PNP Laoag, agpadaya a direksyon ti maysa a motorsiklo nga inturong ni Pascual idi ta nadungpar da ti ag-U-Turn a kotse nga inturong ni Dionisio Acob, agtawen ti 51, ken residente ti Brgy 34 iti ili a Bacarra.
Gapu iti daytoy, nagsagaba ti sugat da Pascual kenni Antonio ti motorsiklo.
Kabayatanna, nasugatan ti agnagan ni Trixia Anacleto, agtawen ti 22, residente ti Brgy 38-A Mangato ditoy siudad ti Laoag,
Daytoy ket kalpasan a nadesgrasya iti sango ti Mangato Church iti nasao a barangay.
Segun ti PNP Laoag, agliko ti kannigid ti motorsiklo nga inturong ni Glexie Cristobal, agtawen ti 47, ken lubbon na ni Anacleto idi ta nakadinnungpar da ti traysikel nga inturong ni Edimar Lorenzo, agtawen ti 42, naasawaan ken Brgy 39-A ditoy siudad ti Laoag.
Gapu iti daytoy, nabatog ti motorsiklo a poon kadagiti sinagaba a sugat ni Anacleto.
Agtultuloy ti imbestiogasyon dagiti kameng ti PNP iti nagsina nga aksidente ditoy siudad ti Laoag.
