LAOAG CITY – Nanayunan manen ti bilang dagiti natay idiay Mexico City kalpasan ti panagdayyeg ti aftershocks iti nasao a lugar no sadinno a tallo ti naimaldit a pimmusay.
Daytoy ti kinumpirmaran ni Mr. Josh Viernes, maysa a mangisursuro iti Mexico City ken tubo ti Bacarra, Ilocos Norte babaen ti ekslusibo a pannakiuman ti Bombo Radyo Laoag.
Segun kenni Viernes, dua a babbai nga agtawen ti 83 ken 52 dagii natay gapo ti atake ti puso kalapsan a timmama ti magnitude 6.4 nga aftershock idinto a ti lalaki nga agtawen ti 33 ket natay gapo ti panagpanic rason tapno matennag manipud iti maikadua a kadsaaran ti pasdek.
Kabayatanna, inbatad pay ni Viernes a nadadael ti embahada ti Pilipinas isut gapo na a saan makaubra dagiti empleado ngem adda ti maysa a Pilipino a nangidiaya ti balay na tapno ditoy da nga agtrabaho.
Innayon ti Pinoy teacher a saan na makatruturog ken dagiti dadduma nga am-ammo na ket maum-trauma gapo kadagiti panagdayyeg gubuay ti aftershock ti magnitude 7.1 a gingined a timmama itay kallabes.
