LAOAG CITY – Negatibo ti resulta ti drug test dagiti 30 a personnel pakairamanan ditoy ti maysa a non-uniform personnel (NUP) ti Bureau of Jail Management and Penology (BJMP) ditoy ciudad ti Laoag.
Ti idadalan ti drug test dagiti nasao a personnel ti BJMP ti ciudad ket inimatangan dagiti kameng ti Department of Health (DOH) ditoy probinsya.
Kinumpirmaran daytoy a mismo ni Jail Chief Inspector Rodel Cadpino,ti jailwarden ditoy ciudad.
Segun ken ni Cadpino, tinawen a dumalan ti random drug testing dagiti personnel ti BJMP ditoy ciudad ti Laoag.
Maragsakan ni Cadpino gapu ta maibilang ti BJMP-Laoag kas drug free facility.
