LAOAG CITY – Umabot iti 30 a tattao ti natay iti engkwentro a napasamak iti nagbaetan ti agkabusor a dua a tribo gapu iti paggiinnagawan a pagminasan idiay Papua New Guinea.
Gapu iti daytoy, naipaayan ti security forces ti bileg tapno pagsardengen da ti mapaspasamak a riribok karaman ditoy ti panagusar da ti “lethal force”.
Naipatungpal pay ti curfew ken naipawil ti panaglako ti arak iti nadakamat a lugar.
Mainaig iti daytoy, napilitan ti Canadian Gold Mine, ti maibilang a maikadwa a kadakkelan a pagminasan iti Papua New Guinea a nangisardeng paylaeng ti operasyon na kalpasan ti insidente.
