LAOAG CITY – Umabot iti 30 a tattao ti natay iti raraot dagiti armado a lallaki a nakalugan ti motorsiklo kadagiti tallo a villages iti north-western Nigeria.
Malaksid iti panangpatay dagiti armado a lallaki dagiti dinosdosena a residente iti lugar ket pinuuran da pay dagiti naruay a pagtaengan.
Basar iti report, adda pay ti saan a masinunuo ti bilang na nga indibidual a kinautibo dagiti suspek.
Naamoan a dagiti napasamak a panagatake ket napasamak kadagiti lugar a maipagarop a nakapasamakan dagiti massacre babaen ti grupo a Jihadists gapu ta agpapada ti wagas ti pannakatay dagiti biktima.
