LAOAG CITY – Umabot iti 51 a tattao ti natay iti napasamak a panagbettak iti coal mine iti daya ti Iran.
Daytoy ti kinumpirmaran a mismo ni Provincial Governor Mohammad Javad Qenaat.
Malaksid kadagiti natay ket adda pay ti 17 a sabsabali a nasugatan ken adda ti 24 nga indibidual a napupuk iti uneg ti pagminasan kalpasan ti insidente.
Dagus a nangipatulod dagiti otoridad ti emergency personnel iti lugar tapno tulungan dagiti nagbalin a biktima ti panagbettak.
Mainaig iti daytoy, inbilin ni Iranian new reformist President Masoud Pezeshkian nga aramiden amin dagiti otoridad ti kabaelan da tapno maisalakan a sibibiag dagiti napupuk iti uneg ti pagminasan ken maipaayan ti tulong ti pamilya dagiti biktima.
