LAOAG CITY – Nagkallaysa ti 30 nga agayan-ayat iti wedding expo ti lokal a gobierno ditoy siudad ti Laoag.

Segun ken ni Mayor James Bryan, agtawen ti 18 ti kaubingan idinto nga agtawen ti 60 ti kataengan ti nakipagpaset iti nasao nga aktibidad.

Inbatadna nga adda ti inpaayna mismo a regalo kadagiti baro nga agasawa kas ti gift certificate, start-up kit, nagduduma nga appliances ken maysa a sako ti bagas.

Inlawlawagna nga adda pay ti naited kadagitoy a libre singsing,  cakes, veils, souvenirs ken dadduma pay.

Maipalagip a pormal a nalukatan ti three-day wedding expo ti lokal a gobierno ditoy siudad ti Laoag no sadinno a nakita ti 15 nga exhibitors, food services, hosting, clothing ken dadduma pay ken dagiti met agpa-book kadagiti pasken ken addaan ti dakkel a diskwento.

Naamoan a ti nasao a wedding expo ket naawagan met nga “Alisto I Do.”