LAOAG CITY – Dimmalan iti swab test dagiti 30 nga empleado ti City Social Welfare and Development Office ditoy ciudad ti Laoag.
Daytoy ti kinumpirmaran ni Mrs. Perlita Cabello, ti mangidadaulo ti nasao a departamento.
Segun kenni Cabello, adda ti ummuna ken maikadua a batch a dimmalan iti swab test ken ur-urayen da ti resulta.
Inbatad na nga iti agdama ket temporaryo a nakarikep ti opisina da sipud pay idi Julyo 26, ken agdepende iti panaglukat manen daytoy iti resulta ti swab test da.
Nupay kasta, kuna ni Cabello nga agtultuloy met latta ti pannakaipaay ti food packs kadagiti agkasapulan a barangay.
Inpakammo ni Cabello kadagiti barangay a naka-lockdown nga agkasapulan iti daytoy a tulong ket direkta a makiuman da kenkuana ken dagiti dadduma a concerns ket adda ti naaopintaran a mangakomudar.
