LAOAG CITY – Umabot iti 30 nga estudyante iti kolehiyo iti ili ti Pinili ti nakaawat ti tulong-pinansyal manipud iti gobierno lokal iti nasao nga ili.
Indaulwan ni Mayor Rommel Labsan ti panagibunong ti tulong-pinansyal kadagiti estudyante, kadwa ma dagiti kameng ti konseho iti ili ti Pinili.
Segun kenni Labasan, ikarigatan da a tulongan dagiti estudyante iti panagadal da tapno maipannakel to dagiti nagannak da ken iti sibubukel nga ili ti Pinili.
Innayonna a tinawen a mangipapaay ti gobierno lokal ti tulong pinansyal kadagiti estudyante iti kolehiyo a residente iti nasao nga ili.
Mainaig iti daytoy, mamati ni Labasan a dakkel a tulong ti ipapaay da a tulong pinansyal para kadagiti nagannad dagiti nasao nga estudyante.
Inpasingked ti mayor nga awan ti pilpilyenda nga ipaayan ti tulong pinansyal gapu ta uray dagiti annak dagiti empleado ti gobierno ken negosyante ket tultulongan da.
