LAOAG CITY – Umabot iti 30 ribo a nga ubbing iti intero a pagilian ti nakaawat ti regalo manipod iti malakanyang babaen ti programa a “Balik Sigla, Bigay Saya”.
Inrakurak ti Presidential Communications Office (PCO) a ti nasao a programa ket indaulwan a mismo ni Presidente Ferdinand Marcos Jr. ken ti pamilya na a naiyuswat iti Kalayaan Grounds iti Malacañang.
Inpakaammo ti Presidential Communications Office a dagiti ubbing a naipaayan ti regalo ket agtawen ti 4 agingga iti 12.
Malaksid iti malakanyang ket adda pay ti 17 a local government units iti Metro Manila ken tallo a Local government units iti Visayas ken Mindanao a nakaiyuswatan ti programa.
Naamoan a malaksid kadagiti regalo ket adda pay ti naiyuswat a paay-ayam, entertainment, ken dadduma a surpresa a pabuya ken aktibidad.
