LAOAG CITY – Umabot iti 337,476 a mangmangged kadagiti pribado a sektor iti Central Visayas ti manamnama a mabenepisiaran iti P42 a kanayunan a sweldo para kadagiti minimum wage earners kalpasan ti panangaprubar ti National Wages and Productivity Commission (NWPC) ti wage order para iti nasao a rehiyon.
Segun iti Department of Labor and Employment (DOLE), marikna ti baro a wage rate inton Oktubre 14.
Iti salinong ti baro a wage order, agbalin a P582 iti kada aldaw ti minimum wage kadagiti lugar a karaman iti Class A, bayat a P542 met iti kada aldaw kadagiti Class B areas.
Mainaig iti daytoy, sakupen ti wage increase dagiti mangmangged kadagiti pribado a sektor iti Cebu, Bohol, Negros Oriental ken ti Siquijor.
