LAOAG CITY – Naibunongen ti agarup 300,000 a titulo ti daga kadagiti mannalon iti uneg ti dua ket kagudua a tawen a panagtakem ni Pres. Bong Bong Marcos Jr.
Segun ken ni Department of Agrarian Reform (DAR) Secretary Conrado Estrella III, 700,000 a titulo laengen ti ibunong ti ahensya kadagiti mannalon ken kalikagomda a maibunong amin daytoy apaman nga agngudo ti termino ni Pres. Marcos.
Malaksid iti daytoy, inbatad ti sekretaryo a naruay dagiti sansangwen a karit dagiti mannalon nangruna ti pabaliw-baliw a klima, agraman dagiti sumangsangbay a kalamidad.
Gapu iti daytoy, kiniddawna iti Presidente a maipaay lattan a libre dagiti daga kadagitio mannalon tapno matulongan da a makarekobre.
