LAOAG CITY – Banbantayan ita ti Philippine National Police (PNP) ti 31 a klase dagiti maipawil a paputok.
Dagitoy ket dagiti sumaganad:
Watusi
Lolo Thunder
Boga
Poppop
Atomic Triangle
Kwiton
Pla-pla
Mother Rockets
Hello Columbia
Piccolo
Goodbye Philippines
Tuna
Five Star
Goodbye Delima
GPH Nuclear
Giant Bawang
Goodbye Napoles
Special
Giant Whistle Bomb
Coke-in-Can
Atomic Bomb
Bin Laden
Large-size Judas Belt
Pillbox
Super Lolo
Kabasi
Goodbye Bading
Super Yolanda
Goodbye Chismosa
King Kong
Dart Bomb
Inbatad ni Philippine National Police-Firearms and Explosive Office Chief Police Col. Rex Buyucan, malaksid kadagiti nadakamat, maipawil pay dagiti amin nga overweight a paputok nga agdagsen ti sumurok 1/3 teaspoon wenno sumurok 0.2 gram.
Inlawlawagna a dagiti class 1, 2 ken 3 a paputok ket para iti general public ken ti class 4 a paputok nga addaan ti dakkel nga aerial shells ken addaan ti complex a multi-shot devices ket para laeng iti licensed pyrotechnicians ken kadagiti firework display operators laeng.
Kunana a maipawil pay dagiti paputok nga addaan ti fuse a nakasindi ti saan a bumaba iti 3 a segundo ken saan a lumabes iti innem a segundo.
Kabayatanna, agtultuloy ti pannakikoordinar ti Philippine National Police iti Bureau of Customs (BOC), Bureau of Fire (BOF) ken Department of Trade and Industry (DTI) ken paig-igetan met ti Anti-Cybercrime Group ti operasion daytoy kontra kadagiti iligal nga aglaklako kadagiti paputok iti online.
Mainaig iti daytoy, dagiti aglabsing ket maibalud ti 6 a bulan agingga iti maysa a tawen ken adda ti multa a saan a bumaba iti 20 a ribu a pisos.
