LAOAG CITY – Inrakurak ti gobierno ti Cuba nga adda ti 32 a kadaraan da a natay kabayatan ti operasyon ti Estados Unidos a nakaarestaran da ken ni Venezuelan leader Nicolás Maduro.
Segun iti gobierno ti Cuba, dagiti natay ket miembro ti armed forces ken intelligence agencies, isut gapuna nga indeklarar da ti national mourning.
Saan a naidetalye ti akem dagiti Cubans iti Venezuela, ngem ti dua a pagilian ket nabayagen nga agkaalyado no sadinno a ti Cuba ket mangipapaay ti suporta para iti seguridad kasukat ti langis.
Immunan nga inpetteng ni Cuban President Miguel Diaz-Canel a mangipapaay da ti seguridad para ken Maduro ken ti asawa na kas kiddaw ti Venezuela.
Saan metten a kinumpirmaran ti Venezuela no mano a kadaraan da ti pimmusay kabayatan ti iraraot ti Amerika iti compound da Presidente Maduro iti ciudad ti Caracas.
Kabayatanna, inpalgak ni US President Donald Trump a saanen a kasapulan ti addang ti military gapu ta nakasaganan a bumagsak ti Cuba.
