LAOAG CITY – Pormalen a naipaima kadagiti 33 a barangay iti ili ti Vintar dagiti rescue equipments.
Naibunong daytoy kabayatan ti pannakaiwayat ti National Disaster Resiliency Month nga indauluan ti Municipal Disaster Risk Reduction Management Council Chief a ni Mayor Richard Degala iti babaen ti pannagiwanwan ti Municipal Disaster Risk Reduction Management Officer a ni Mr.Almond Leano ti panagibunong kadagiti nagduduma a rescue equipments iti nasao nga ili.
Mainaig iti daytoy, nagyaman ni Degala iti suporta ti Sang. Bayan Members gapu ti pannagiyalokar da ti pondo tapno adda maibunong a rescue equipments.
Dagitoy nga rescue equipments, ket mausar no inkaso nga adda sumangbay a didigra.
Kabayatanna, naibunong pay ti socio-civic fund kadagiti opisyal ti barangay manipud ken ni Pres. Ferdinand Marcos Jr.
