LAOAG CITY – Natay ti 34 a tattao kalpasan ti panaginumda iti makasabidong a bootleg alcohol iti makin-abagatan nga estado ti India a Tamil Nadu.
Segun kadagiti opisial ti India, napasamak ti insidente idiay Kallakuruchi no sadinno a nagsakit ti sumagmamano nga umili kalpasan ti panaginumda iti nasao nga arak.
Iti agdama ket di kumurang a 80 a tattao ti mamonmonitor kadagiti ospital gapu ta makapaspasar da iti panagtakki a mabalin nga mangitunda ti ipapatay da.
Gapu iti daytoy ket naarestar ken nasuspenso ti maysa a senior police official ken dagiti sangapulo a kameng ti prohibition enforcement wing ti estado gapu iti maipagrup a panagpuslit da iti maiparit nga arak iti estado.
Ti bootlegger ket maysa a methanol, no sadinno a maibilang daytoy kas makasabidong nga arak, uray bassit laeng ti mainum, mabalin a pakaigapuan ti panagbulsek, pannakadadael ti dalem ken ipapatay.
