LAOAG CITY – Inbatad ti local disaster official a saan a kumurang a 34 a tattao ti natay ken 16 pay ti mapukpukaw kalpasan ti flash flood ken nalamiis cold lava flow manipud iti bulkan iti western Indonesia.
Adu nga oras a napigsa a tudo ti nakaigapuan ti layus iti dua a distrito iti probinsia ti West Sumatra idi rabii ti Sabado ken nangiyeg iti dapo manipud iti Mount Marapi, aktibo a bulkan iti arkipelago ti isla ti Sumatra.
Segun ken ni Ilham Wahab, pannakangiwat ti ahensia West Sumatra disaster agency, maibasar iti datosda, 34 a tattao ti natay: 16 idiay Agam ken 18 idiay Tanah Datar. Adda met di kumurang a 18 a nasugatan. Ket agsapsapulda pay laeng iti 16 pay.
Dagiti flash floods ken nalamiis nga ayus ti lava ti nangdungpar kadagiti distrito ti Agam ken Tanah Datar agarup 10:30 ti rabii (1530 GMT) idi Sabado, segun iti search and rescue agency ti Basarnas.
Nupay kasta ti nalamiis a lava, a pagaammo met kas lahar, ket bulkaniko a material a kas iti dapo, darat, ken bato a maipababa manipud kadagiti pantok dagiti bulkan babaen ti tudo.
Kabayatanna, immuna a kinuna ni Basarnas a 12 a tattao ti natay pakairamanan ti sumagmamano nga ubbing.
