LAOAG CITY – Dimmalan ti panagsanay dagiti 348 nga electoral boards ditoy ciudad ti Laoag para iti 2025 midterm elections.
Segun kenni Atty. Juluis Balbas, ti election officer ditoy ciudad, karama kadagiti nasuro kadagiti electoral board ket ti usto a procedures ken protocols iti umay nga eleksyon.
Kunana a karaman pay a nagsanay dagiti school principals, mangisursuro, technical staff ken dagiti dadduma pay nga agserbi iti intono kaaldawan ti eleksyon.
Mainag iti daytoy, inpakaammo ni Atty. Balbas a dakkel ti nagngatoan ti honorarium dagiti agserbi kas Electoral Board Members intono eleksion gapu ta ti Electoral Board Chairperson ket addaan ti 12 a ribu a pisos nga honorarium idinto a dagiti Electoral Board Members ken precinct workers ket umabot iti 11 a ribu a pisos ti maawat iti tunggal maysa, kasta pay ti 10 nga aldaw a leave credit.
Malaksid iti daytoy, inlawlawagna nga adda pay ti insurance dagitoy a 500 a ribu a pisos no bilang adda ti mapasamak kadakuada bayat iti eleksion.
