LAOAG CITY – Umabot iti nasurok a 35 a pyrotechnic devices wenno boga ti nakumpiskar ti Philippine National Police iti ili ti Badoc idi nobyembre ita a tawen.
Segun iti Philippine National Police iti ili ti Badoc, naki-koordinar dan kadagiti opisyales ti barangay tapno tumulong da nga agmonitor kontra iti panagusar ti protecnic device wenno boga.
Inpasingked pay ti Philippine National Police a naiget ti panagmonitor da iti nagduduma a barangay iti ili ti Badoc tapno masigurado nga awan dagiti makailibas nga agusar ti boga.
Inpakaammo ti nailian a pulisya a makisarsarita da payen kadagiti bumarangay mainaig iti dakes nga epekto ti panagusar ti kastoy ti klase na a paputok .
Kabayatanna, nagballaag ti Philippine National Police iti publiko kangrunaan na dagiti nagannak a bantayan da a naimbag dagiti annak da tapno saan da a makausar ti boga a mabalin a pakairisgoan ti biagda ken makaitunda ti uram.
