LAOAG CITY – Umabot iti 35 a tattao ti natay idinto nga 43 a sabsabali dagiti nasugatan kalpasan a dinarusdos ti maysa a lugan ti ayan dagiti ado a tattao a manarimaan ti panag-ehersisyo na iti stadium iti Zhuhai idiay China.
Basar iti report, ado dagiti nataengan, ubbing ken menor de edad a karaman kadagiti nasugatan iti insidente.
Naamoan a ti nangimaneho iti lugan a nangdarusdos kadagiti biktima ket lalaki nga agtawen ti 62, ken nabigbig laeng iti apilyido na a Fan.
Napasamak ti insidente iti baet ti naiget a maipatpatungpal a seguridad iti ciudad gapu iti panag-host na ti major civil and military airshow.
Iti inisyal nga imbestigasyon dagiti otoridad, rumrumuar nga inranta ni Fan ti nangdarusdos kadagiti tattao gapu iti pannakaupay na iti nagbalin a resulta ti pannakabingay ti sanikua da kalpasan ti panag-diborsyo da iti asawa na.
Nupay kasta, gapu iti pannaka-comatose ni Fan kalpasan a nagsagaba ti nakana a sugat ket saan a mapagsaludsudan dagiti otoridad.
