LAOAG CITY – Umabot iti 358 a kameng ti Philippine National Police (PNP) a
pakairamanan dagiti tallo nga opisyal ti naipromote ditoy probinsya.
Naamoan a ti kataengan a naipromote ket ni SPO3 Carlos Juan, agtawen iti 55 ken kameng ti PNP-Adams.
Karaman met dagiti naipromote nga opisyal ti PNP ket da Police Chief Inspector Randy Baoit ken ni Police Chief Inspector Angelito de Juan a nagbalinen a Police Supt. Idinto a Police Senior Inspector Arthur Clemente nga Hepe iti PNP-Adams ken nagbalinen a Major.
Kabayatan ti panangawat dagiti nasao a kameng ti PNP iti promotion da ket binayabay ida ti pamilya da.
