LAOAG CITY – Umaboten iti 36 a pamilya kadagupan ti 121 nga indibidual ti nabakwit manipud iti Barangay Pancian ken iti Barangay Pasaleng iti ili ti Pagudpud.
Daytoy ti inpakaammu ni Mr. Hendrick Pedronan, Municipal Disaster Risk Reduction and Management Office (MDRRMO) iti ili ti Pagudpud iti baet ti iduduprak ti Bagyo Julian.
Segun ken Pedronan, possible a manayunan pay dagiti evacuees.
Ngem nu pay kasta kinumpirmaranna a nages-es metten ti danom kadagiti sumagmamano a barangay iti nasao nga ili.
Nakairekord metten ti Municipal Disaster Risk Reduction and Management Office ti nasurok pito a milyon pisos a balor ti nadadael iti sector ti agrikultura.
Inpasigurado met ni Pedronan ti agtultuloy a monitoring da kabinnulig da dagiti kameng ti Philippine National Police.
Kabayatanna, kinumpirmaran na a passable amin a kalsada iti ili ti Pagudpud agraman iti kalsada a sakupen ti Barangay Pancian iti nasao nga ili.
