LAOAG CITY – Positibo ti resulta ti search warrant operation nga inyuswat dagiti otoridad iti pagtaengan dagiti agkabsat iti Barangay Laureta iti ili ti Solsona.
Nabigbig ti natiliw a subject ti operasyon a ni Mr. Cherico Viloria ken kabsat na a ni Angelo Viloria a.k.a Pogi ket nakalibas.
Nakumpiskar dagiti otoridad ti 15 a sachet a naglaon ti maipagarop a shabu nga agdagsen ti agarop tallo a gramo nga addaan ti DDB value a 20,400 a pisos ken street value a 30,000; 21 a sachet ti maipagarop a napagango a bulong ti marijuana nga agdagsen ti 50 a gramo ken agbalor ti innem a ribo a pisos, drug paraphernalia, ken maysa riffle grenade.
Naiget met a naglikudan ni Mr. Cherico Viloria nga agus-usar daytoy ti iligal a droga gapo ta insardeng na daytoy idi 2015 ken ita ket masaksakit rason a saan met unay a rumrumuar.
Inpetteng na a saan a pulos naglako ti anyaman nga iligal a droga, ken saan na nga ammo no apay a naisayangkatan ti operasyon.
Inakusaran na pay a sakbay ti operasyon ket simrek dagiti otoridad ken pinagpakleb da isuna ken pinaruar da dagiti annak na.
Mainaig iti daytoy, kuna ni Police Lt. Jackson Sugayen, action officer ti PDEU a ni Cherico a ni Cherico ket isu ti lider ti Viloria Drug Group ken karaman da nga agkabsat iti Top 10 Priority Target List ti Region 1.
Dinakamat na pay a babaen iti panagbalin a driver ti bus ni Cherico ket ditoy a maibibyahe dagiti iligal a droga, aglaklako kasta pay nga agus-usar.
Inpetteng na a basar iti panagmonitor da ket nagtultuloy ti iligal nga aktibidad ni Cherico.
Naamoan a ti ummunan a natiliw iti ciudad ti Batac ken ditoy Laoag ket karaman iti nasao a drug group.
