LAOAG CITY – Naiyawaten ti 369 a units ti desktop computers iti Schoold Division of Ilocos Norte manipod iti gobierno probinsyal.
Inbatad ni Governor Matthew Marcos Manotoc a dagiti nadakamt a desktop computers ket dakkel a tulong dagiti agad adal iti nagduduma a pagadalan ditoy probinsya a manamnama a masuar iti panaglukat ti klase intuno Oktubre 5.
Mainaig iti daytoy, nagyaman ti gobernador kadagiti mangisursuro gapu iti saan a masubadan a trabaho da.
Inpasigurado na nga agtultuloy ti panangsuporta na iti Department of Education iti baet ti mapaspasaran a pandemiya.
Kabayatanna, nagyaman ni Dr. Joan Copuz, ti schools division superintendent ti Ilocos Norte iti inpaay a tulong ti gobierno probinsyal.
