LAOAG CITY – Umabot iti 37 a tattao ti natay kalpasan ti napasamak a flash floods idiay Morocco.
Naamoan a nangato ti lebel ti danom ken do ti pitak a nangkalob kadagiti luglugan iti napasamak a flash floods iti Safi region.
Nadadael met ti saan a bumaba iti 70 a pagtaengan kalpasan a naiyanod dagitoy gapo iti layos.
Naitaray met iti ospital dagiti ado a residente a nagsagaba ti sugat manipud kadagiti naiyanod a debris.
Mainaig iti daytoy, agtultuloy met ti search and rescue operations dagiti otoridad kadagiti naireport a mapukpukaw a residente.
Kabayatanna, nangitunda ti nalawa a flash floods ti sumagamano nga aldaw a panagtudo iti lugar no sadinno ket naglipyas dagiti karayan.
