LAOAG CITY – Inrakurak ti Commission on Elections (Comelec) nga adda ti pakabuklan a 38 nga election areas of concern nga adda iti babaen ti “red” category sakbay ti 2025 national and local elections (NLE).
Iti inisyal a listaan nga inparuk-at ti ahensya ket agarop 1,239 a lugar iti pagilian ti naideklarar nga adda iti babaen ti election hot spots para iti mapaspasangasangan nga eleksyon.
Inlawlawag ti Commission on elections a dagiti lugar a naikabil iti babaen ti red category ket dagiti addaan ti seryoso a pangta iti eleksyon a possible a pakaipatungpalan ti kinadamsak.
Kabayatanna, adda met ti 177 a lugar a naikabil iti babaen ti orange category idinto a 188 ti adda iti yellow category, ken dagiti nabatbati a lugar ket green category.
Kuna ti ahensya nga iti babaen ti yellow category ket adda dagiti maipagarop nga election-related incidents iti napalabas a dua nga eleksyon idinto a ti orange category ket nagtipunan ti dua wenno ad-ado pay a factors iti babaen ti yellow category, ken ti green category ket dagiti lugar a maibilang nga awan ti security concerns na wenno naannayas ti maiyus-uswata panagpipili.
