LAOAG CITY – Inpakammo ni Agent Farlyn Sheen Vinluan iti Philippine Drug Enforcement Agency (PDEA) Region 1 nga umabot iti 74.42 a porsiento ti drug cleared ditoy probinsya wenno 382 a barangay.
Segun kenni Vinluan, adda laengen ti 143 ti nabatbati nga affected barangay ngem agtultuloy ti proseso nga ar-aramiden da tapno madalusan dagitoy.
Karaman kadagiti barangay ket iti ili ti Bangui, Badoc, Pinili ken iti Paoay.
Inpetteng na a babaen iti nasao a datos ket mangipasimudaag nga adda ti positibo a resulta ti kampanya da kontra iti iligal a droga.
Mainaig iti daytoy, kinumpirmaran ni Vinluan a kaadoan kadagiti natiltiliw da ket repeat offender ngem adda latta dagiti newly indentified drug personality.
Inlawlawag na a karaman kadagiti rason dagiti matiltiliwan da a repeat offender ket ti iligal nga aktibidad ti pangalan da ti pagbiag da.
Dinakamat pay ni Vinluan a kaadoan kadagiti iligal a droga a maiserserrek ditoy probinsya ket aggapo iti National Capital Region (NCR) ken ti mode of payment ti transaksyon ket babaen iti Gcash.
Inpalgak na pay a maiserserrek ti iligal a droga ditoy Ilocos Norte babaen iti pannakaigeddan iti kagamitan kadagiti bus ken iti courier.
Inbatad na pay a dakkel ti posibilidad na nga umado ti maiserrek a droga gapo ta napalukayan metten ti garaw dagiti tattao wenno saanen a naiget dagiti borders.
Kabayatanna, kuna a naiget ken ti panagtinnulong da iti Philippine National Police (PNP) tapno awanan ti sumrek nga iligal a droga ditoy Ilocos Norte.
Innayon na nga adda pay ti biktima drug personality nga imonmonitor da ditoy probinsya.
