LAOAG CITY – Kinumpirmaran ni Senior Education Program Specialist Mr. Erick Medrano nga adda ti 383 nga agad-adal ditoy probinsya ti manamnama a makipagpaset iti face to face classes intuno Nobiembre 15.
Kuna ni Medrano a kadagupan iti nasao a bilang ket 31 nga estudyante ket manipod iti Alao-ao ES, 134 iti Dumalneg ES, 13 iti Paddagan ES, 54 iti San Isidro ES, 38 iti Cacafean ES, 16 iti Bicbica ES, 25 iti Buanga ES, 24 iti Godogod ES ken 48 nga agad-adal manipod iti Dumalneg NHS.
Inbatad na a ti pannakairaman dagiti nadakamat a pagadalan iti pakaipatungpalan ti face to face class ket gapu iti pannakaipasa ti policy guideline ti joint circular no. 1 series of 2021 iti nagbaetan ti DepEd ken DOH.
Inlawlawag ni Medrano a nakita kadagiti nasao a pagadalan ti panagsagana patikular iti LGU ken PTA Concurrences, pakairamanan ti Status ti Vaccination kadagiti Personnel, Physical Facilities, Adherence to the Health Protocols/Standards ti IATF ken DOH kasta pay ti Budgetary Requirements.
Innayonna a nagsungbat pay dagiti School Heads ti School Safety Assessment Tool tapno maammoan ti panagsagana iti pilot implementation.
