LAOAG CITY – Inpakaammo ni Ms. Chariz Garma, mangidadaulo ti Department of Interior and Local Goverment ditoy cuidad ti Laoag nga adda pay ti 39 a barangay ti saan pay naideklara a drug cleared ditoy cuidad.
Segun kenni Garma, adda metten ti ummuna a panagsasarita da kadagiti barangay tapno agbalin metten a drug cleared dagitoy.
Mainaig iti daytoy, kuna ni Garma nga adda pay ti inpasa ti Sanguniang Panglunsod a resolusyon a Barangay Drug Clearing Operation Program tapno mapaalisto iti panagaplikar dagitoy.
Inbatadna a kadagitoy a gundaway ket manarimaan ti pannakaisagana ken pannaka-review dagiti dokumento a kasapulan tapno manayunan metten ti drug cleared barangay ditoy ciudad.
Kabayatanna mangnamnama ni Garma a magun-od ditoy ciudad iti Laoag iti drug free city.
