LAOAG CITY – Posible a matay ti dumanon iti 40 a milyon a tattao gapu kadagiti impeksion gubuay iti drug-resistant superbugs inton sumaruno a 25 a tawen.
Ti superbugs ket ti strains ti bacteria wenno pathogens a nagbalin a resistant iti antibiotics rason no apay a narigrigat daytoy a maagasan no sadinno nabigbig daytoy kas rising threat iti global health.
Iti nagbaetan ti 1990 agingga iti 2021, basar iti Lancet journal, nasurok maysa a milyon a tattao ti pimmusay manipud iti superbugs a maaw-awagan kas antimicrobial resistance (AMR).
Nupay bimmaba iti nasurok 50% iti napalabas a tallo a dekada ti pannakatay dagiti ubbing nga agtawen iti lima ken agpababa gapu iti superbugs.
Naammoan nga iti kanito a makaptan daytoy ti maysa nga ubing ket narigrigaten nga agasan ti impeksion.
Iti nasao a panawen, ngimmato met iti nasurok 80% ti matmatay iti superbugs kadagiti agtawen iti 70 ken agpangato.
