LAOAG CITY – Ikarkarigatan dagiti 39 a kandidato a maipagarup nga adda ti illegal drug activity na ti mangdalus ti nagan da ditoy probinsya.
Segun kenni police Sr. Supt. Cesar Pasiwen, provincial director ti Ilocos Norte Police Provincial Office, gundaway dagiti maseknan a paneknekan nga awan ti pannakainaig da iti iligal a druga.
Kuna na a mabalin nga agpadrug test da wenno dumalan da iti rehabilitation program.
Inbatad ni Pasiwen nga agtultuloy ti monitoring da kadagiti 39 a kandidato.
Kabayatanna, nakaipaskilen ti nagan dagiti kandidato a nagpadrug test ken dagiti saan pay a nagpadrug test kadagiti municipal police station ditoy probinsya.
