LAOAG CITY – Kinumpirmaran ni Police Supt. Marlon Paiste nga umabot ti 39 dagiti kandidato a para SK ken Barangay elections ditoy Ilocos Norte nga adda iti derogator record da wenno adda illegal drug activity na.
Nupay kasta, kuna ni Paiste a saan da pay a maipublikar ti barangay ken nagan dagiti maseknan gapu ta agtultuloy ti panagvalidate da.
Segun kenkuana, dagiti 39 a kandidato ket pakairamanan ti pusher, user, financier, ken dadduma pay.
Nagballaag ti opisyal a mabalin da nga ipilaan ti kaso administratibo dagiti maseknan isut gapu na a nasaysayaat laengen nga agsanud da no saan da a napudno nga agserbi.
Mainaig ti daytoy, nagpangta pay ni Paiste a possible a maipaskil ti nagan ken barangay dagiti maseknan iti nagduduma a municipal police station ditoy probinsya sakbay ti eleksyon.
