LAOAG CITY – Inpakaammo ni Assistant Official Warden Editor Guiang ti Ilocos Norte Police Provincial Jail nga umaboten iti 101 ti bilang dagiti naibalud iti nadakamat a pagbaludan.
Segun kenkuana, 39 ti bilang dagiti sumangsango iti kaso nga illegal a droga wenno iti panaglabsing iti Republic Act 9165, ken simmaruno a kaaduan a bilang ket dagiti sumangsango iti kaso a panagrames.
Kinunana, nga iti agdama ket ado dagiti magungundaway iti plea bargaining no sadinno agtutuloy met ti operasion dagiti otoridad nga arigna ket inaldaw nga adda ti maiserserrek iti pagbaludan.
Kabayatanna, iti agdama a bilang dagiti babbai a balud iti Ilocos Norte Provincial Jail ket umabot ti walo ken sumangsango iti kaso a panaglabsing iti Republic Act 9165.
