Inbatad ti Department of Social Welfare and Development a naapektaran ti El Nino phenomenon dagiti nasurok 4.5 milion a tattao ditoy pagilian.
Basar iti record ti Department of Social Welfare and Development Disaster Response Management agingga idi Mayo 18, umaboten iti 1,181,568 a pamilia kadagiti 6,017 a barangay iti sangapulo ket uppat a rehion pakairamanan ti Ilocos Region, Cagayan Valley, Central Luzon, Mimaropa, Bicol Region, Western Visayas, Central Visayas, Eastern Visayas, Zamboanga Peninsula, Northern Mindanao, Davao Region, Soccsksargen, Cordillera Administrative Region, ken BARMM ti naapektaran.
Nangipaay metten ti ahensia kadagiti apektado iti P372.4M a tulong nga aggatad ti P3.2B ti available relief resources, P607.9M ket nailatang a kas standby funds ken P2.6B para iti food ken non-food items.
