LAOAG CITY – Naisalakan ti Immigration officers ti uppat a lallaki a biktima ti human trafficking iti Clark International Airport (CIA) idiay Pampanga a gandat da ti illegal nga agtrabaho idiay Qatar.
Iti inisyal nga imbestigasyon, inbatad ti Immigration Protection and Border Enforcement Section (I-PROBES) a dagiti biktima ket nagpabigbig kas agpapagayam nga agturong idiay Singapore tapno agbakasyon.
Nupay kasta, agduduma ti rakurak dagitoy isut gapuna a nairefer da iti maikadwa nga inspeksyon.
Gapu iti daytoy ket inadmitir da a maysa kadagiti kadwa da ti nagrecruit kadakuada kas hairdressers ken massage therapists idiay Qatar no sadinno nga umawat da ti P15,000 agingga iti P20,000 a sweldo iti kada bolan.
Inadmitir met ti kadwa da nga isuna ket narecruit ti maysa a Dubai-based recruiter ken inimbtaran na dagiti tallo a pagayam na a sumurot kenkuana.
Nasingir dagiti maseknan ti P10,000 para iti panagiproseso kadagiti dokumento da.
“Attempting to bypass immigration clearance through deceptive means is illegal and highly risky,” ani
Inpalagip met ni Bureau of Immigration Commissioner Norman Tansingco a ti gandat a panang-bypasss ti immigration clearance ket illegal ken narisgo.
Nairefer dagiti biktima iti Inter-Agency Council Against Trafficking (IACAT) para iti naun-uneg pay nga imbestigasyon.
